2006 - Manuel Lugrís Freire
O Día das Letras de 2006 estivo dedicado a Manuel Lugrís Freire a quen Antón Villar Ponte cualificou a Manuel Lugrís como o "benxamín dos Precursores" e, certamente, un dos seus trazos máis definidores foi o de servir de ponte entre os dirixentes máis veteranos do rexionalismo e as máis novas xeracións do nacionalismo que se habían de convocar ao redor do Seminario de Estudos Galegos.
Manuel Lugrís compaxinou o labor culturalista máis xenuino, nas inicativas civis e nas das institucións da nosa cultura como a Academia ou o Seminario, co labor de mobilización e o activismo propagandista nas que salientou como un afervoado e engaiolante orador.
Foi pioneiro no labor normalizador da nosa lingua e forxou a súa autoridade intelectual como académico e presidente da Real Academia pero tamén como poeta, narrador e dramaturgo.
Apurou a súa intelixencia na redacción do que sería o primero Estatuto do autogoberno de Galicia e a súa sabedoría na escrita dos contos de Asieumedre, o seu máis popular pseudónimo.
Obras, artigos e discursos de Manuel Lugrís
- Manuel Lugrís Freire. Escolma de textos Unha compilación realizada por Nélida Cosme Abollo e Dolores Sánchez Vales para Ediciós do Castro.
- A obra narrativa en galego de Manuel Lugrís Freire Obra de Xabier Campos Villar editada polo Centro Ramón Piñeiro e a Xunta de Galicia.
- Non máis emigración Artigo en A Gaita Gallega, 1885
- Soidades, versos en galego A Habana. 1894.
- Noitebras A Coruña, 1901.
- A ponte A Coruña, 1903.
- O pazo A Coruña, 1903.
- Minia (drama dun acto en prosa) A Coruña, 1904.
- Mareira (drama en tres actos en prosa) A Coruña, 1904.
- Esclavitú (drama en dous actos en prosa) A Coruña, 1906.
- La ofrenda, o los folletos verdes de Don Pepiño (sainete rápido) A Nosa Terra, 1908.
- Ir por Lan A Nosa Terra, 1909.
- Contos (Por Asieumedre) A Coruña, 1909.
- Estadeíña (comedia en dúas xornadas, en prosa) A Coruña, 1919.
- Versos de loita Incluído na colección ¡Terra a nosa!, publicada na Coruña en 1919.
- Gramática do idioma galego A Coruña, 1922.
- Ardencias A Coruña, 1927.
- As mariñas de Sada, homenaxe á sociedade Incluído no volume Sada y sus contornos. A Coruña, 1928.
- Muiñeira para canto y piano, o piano sólo Letra para muiñeiras escrita por Lugrís.
- A costureira d'aldea
Libros sobre Manuel Lugrís
- Manuel Lugrís Freire Reseña biográfica de Henrique Rabuñal editada por A Nosa Terra.
- Lugrís Freire, unha biografía Reseña biográfica do autor homenaxado nas Letras 2006, da autoría de Xabier Campos e publicada pola editorial Galaxia.
- Manuel Lugrís Freire. A fe na causa Publicado por Baía Edicións e escrito por Xosé Manuel Fernández Costas.
- Manuel Lugrís Freire. Vida e obra Unha monografía rigorosa e divulgativa publicada por Edicións Xerais e escrita por Ramón Nicolás.
- Manuel Lugrís Freire. Biografía e antoloxía Publicada por Edicións Xerais, escrita por Ramón Nicolás e ilustrada por Fino Lorenzo.
- O teatro de Manuel Lugrís Freire Publicada por Ediciós do Castro, en 1991, e escrita por Francisco Pillado.