O Centro de Estudos Galegos de París organiza a proxección do documental galego Fíos fóra, da produtora Illa Bufarda.
A proxección, que terá lugar no marco dun curso gratuíto de lingua galega que o CEG desenvolve en colaboración co Instituto Cervantes, está aberta a todo o público interesado. Cando remate, este terá ocasión de establecer un coloquio por videochamada coas directoras do documental.
O poeta e filólogo Gonzalo Hermo impartirá no Centro de Estudos Galegos de Salamanca a conferencia "A toponimia galega: unha aproximación".
Actividade coorganizada polo Centro de Estudos Galegos de Braga e mais polo Instituto de Ciências Sociais da Universidade do Minho a iniciativa de dous exalumnos de Literatura E Cultura Galegas. Trátase dunha xuntanza de persoas galegas e portuguesas arredor dun tema que varía cada ano e que, neste 2017, será "a música".
A profesora da Univerisidade de Santiago de Compostela e crítica literaria Montserrat Pena Presas acudirá á Universidade de Salamanca, convidada polo seu Centro de Estudos Galegos, para impartir a conferencia Carlos Casares: escritor, editor e activista cultural. A pegada do vento azul". Carlos Casares é o autor a quen se lle dedicará este ano o Día das Letras Galegas.
A Cátedra de Estudos Galegos de Deusto contará coa presenza de Ledicia Costas na sesión que o Grupo de Lectura en Galego celebrará o 7 de marzo.
A escritora, Premio Nacional de Literatura Infantil e Xuvenil 2015, falará da súa primeira obra para público adulto: Un animal chamado néboa.
